Поўная версія

"Няхай заўсёды будзе заўтра" - выстава фотакарэспандэнта БЕЛТА Сяргея Халадзіліна адкрылася ў Гомелі

Культура 09.10.2019 | 11:06
Фота Ганны Пашчанка, БЕЛТА - "Гомельские ведомости"
Фота Ганны Пашчанка, БЕЛТА - "Гомельские ведомости"

9 кастрычніка, Гомель /Кар. БЕЛТА/. Выстава работ фотакарэспандэнта рэдакцыі візуальнай інфармацыі БЕЛТА Сяргея Халадзіліна "Няхай заўсёды будзе заўтра" адкрылася 8 кастрычніка ў Гомелі ў Музеі аўтографа Цэнтральнай гарадской бібліятэкі імя А.І.Герцэна, перадае карэспандэнт БЕЛТА.

Экспазіцыя стала часткай праекта "Жывы аўтограф" і прымеркавана да Года малой радзімы і юбілею аўтара. На выстаўцы прадстаўлены 28 фотаработ Сяргея Халадзіліна, зробленых у розныя перыяды яго прафесійнай дзейнацсі. Падзеі ўчарашняга дня чаргуюцца з сённяшнімі, чорна-белая фатаграфія з каляровай. Тэматыка здымкаў разнастайная. Гэта і яркі каларыт беларускай нацыянальнай культуры, і сціплы быт вёскі, і хараство спакойнага пейзажу, і чарнобыльскія матывы, і, вядома ж, людзі з іх лёсамі, радаснымі падзеямі і штодзённымі клопатамі.

На адкрыцці экспазіцыі аўтар падзяліўся гісторыяй стварэння некаторых работ, адказаў на пытанні, якія датычацца свайго жыццёвага і творчага шляху. Ён перакананы, што ў аснове добрага партрэта - не толькі прафесійнае майстэрства, але і ўменне слухаць і чуць чалавека. "Галоўны настаўнік у нашай прафесіі гэта жыццё. І важныя ўрокі яно падносіць кожны дзень. Гэта вельмі каштоўна", - лічыць фотакарэспандэнт.

Сяргей Халадзілін нарадзіўся ў Гомелі. Скончыў эканамічны факультэт Гомельскага дзяржуніверсітэта, факультэт журналістыкі БДУ. Амаль 30 гадоў працуе фотакарэспандэнтам Беларускага тэлеграфнага агенцтва. За гэтыя гады яго творчыя і прафесійныя заслугі неаднаразова адзначаліся высокімі ўзнагародамі. Сяргей Халадзілін з'яўляецца лаўрэатам спецыяльнай прэміі Прэзідэнта Беларусі дзеячам культуры і мастацтва ў намінацыі "Выяўленчае мастацтва" (2005), пераможцам III Нацыянальнага конкурсу друкаваных СМІ "Залатая Літара" ў намінацыі "Лепшы фотарэпарцёр" (2007), пераможцам конкурсу журналісцкіх работ Саюзнай дзяржавы "Беларусь - Расія. Крок у будучыню" ў намінацыі "Лепшая фотаработа" (2012). За шматгадовую працу і высокае прафесійнае майстэрства ў 2014 годзе быў узнагароджаны медалём Францыска Скарыны, у 2018-м - медалём МУС "За ўклад ва ўмацаванне правапарадку". Прызнаны пераможцам у намінацыі "Лепшы фотакарэспандэнт" абласнога спаборніцтва сярод рэдакцый газет, арганізацый тэлебачання і радыё, журналістаў, якія ажыццяўляюць сваю дзейнасць на тэрыторыі Гомельскай вобласці, па выніках 2018 года. Фотаздымкі аўтара экспанаваліся ў Германіі, Польшчы, Нарвегіі, Расіі, Францыі і Італіі.

Азнаёміцца ​​з работамі фатографа ў бібліятэцы можна да 30 кастрычніка.-0-

Навіны рубрыкі Культура
Фота арганізатараў выставы Фотавобразы 1000-гадовага Брэста прадставілі ў галоўнай выставачнай зале горада
18 Кастрычнік, 10:03
Шасцігадзінным арт-батлам мастакоў пачаўся фестываль "Віцебскі лістапад"
18 Кастрычнік, 09:08
Бондар: Дні культуры Туркменістана - яркая старонка летапісу духоўнага ўзаемаўзбагачэння
17 Кастрычнік, 19:53
Фота junioreurovision.tv Анлайн-галасаванне на сайце дзіцячага "Еўрабачання" стартуе 22 лістапада
17 Кастрычнік, 19:00
Пеўчая традыцыя Полацкага раёна ўвайшла ў спіс нематэрыяльных каштоўнасцей Беларусі
17 Кастрычнік, 17:47
Дэбютантаў першага Венскага балю ў Купалаўскім выберуць з 200 прэтэндэнтаў
17 Кастрычнік, 16:41
Фота gomel.gov.by На міжнародным фестывалі мастацтваў Gomel Fest чакаюць каля 2 тыс. удзельнікаў
16 Кастрычнік, 19:53
Вызначаны пераможцы конкурсу сцэнарыяў ігравых фільмаў "Мая Беларусь"
16 Кастрычнік, 17:17
Праекты студэнтаў БДАМ увайшлі ў праграму Мінскага міжнароднага фестывалю паўнакупальных фільмаў
16 Кастрычнік, 14:37
Поўная версія