Поўная версія

На мерапрыемствы "Славянскага базару" прададзена больш за 50 працэнтаў білетаў

Культура 12.06.2019 | 11:52

12 чэрвеня, Віцебск /Вольга Багачова - БЕЛТА/. На мерапрыемствы міжнароднага фестывалю мастацтваў "Славянскі базар у Віцебску" рэалізавана больш за 50 працэнтаў білетаў. Аб гэтым паведаміў журналістам дырэктар форуму Глеб Лапіцкі перад выязным пасяджэннем арганізацыйнага камітэта па падрыхтоўцы і правядзенні фестывалю, перадае карэспандэнт БЕЛТА.

"На гэты момант агульная колькасць рэалізаваных білетаў складае каля 40-45 тыс., або каля 51 працэнта. З іх 3 тыс. набыты за мяжой. Геаграфія шырокая: Швейцарыя, Ізраіль, Гвінея, ЗША, іншыя краіны, шмат з Расіі і Латвіі", - сказаў Глеб Лапіцкі.

Значная колькасць прададзеных білетаў у Латвіі, на яго думку, у многім звязана з комплекснай работай па арганізацыі бязвізавага рэжыму для гасцей "Славянскага базару" з 74 краін свету і выхаду на прамыя online-продажы ў Латвіі і Казахстане. "Гэта добры патэнцыял, каб мы развівалі фестываль не толькі як культурны, але і турыстычны брэнд", - упэўнены дырэктар форуму.

Глеб Лапіцкі ўдакладніў, што на 99,9 працэнта праграма фестывалю сфарміравана. "Дадаткова, вядома, яшчэ можа нехта з'явіцца, але ў першую чаргу мы будзем старацца рэалізаваць усё тое, што ўжо запланавалі", - адзначыў ён.

У Віцебску 11 чэрвеня адбылося выязное пасяджэнне аргкамітэта па падрыхтоўцы і правядзенні "Славянскага базару" з удзелам намесніка прэм'ер-міністра Ігара Петрышэнкі. Удзельнікі наведалі ключавыя аб'екты форуму, у тым ліку выставачную залу "Духаўскі круглік" і Летні амфітэатр, дзе азнаёміліся з гатоўнасцю галоўнай сцэнічнай пляцоўкі горада і ўмовамі для артыстаў.

Міжнародны фестываль мастацтваў "Славянскі базар у Віцебску" пройдзе з 8 па 17 ліпеня. Урачыстая цырымонія і гала-канцэрт адкрыцця адбудуцца ў Летнім амфітэатры 11 ліпеня, закрыцця - 15 ліпеня. Дадатковыя мерапрыемствы запланаваны на 8-10 і 16-17 ліпеня.-0-

Навіны рубрыкі Культура
Камерная зала Вялікага тэатра Беларусі адкрые сезон шэдэўрамі сусветнай оперы
Учора 15:09
"Беларусь 3" падрыхтаваў тэматычныя выпускі да дзён нараджэнняў Валянціны Гаявой і Генадзя Гарбука
Учора 14:01
Выстава праваслаўных абразоў "Нябеснае воінства" адкрылася да 1000-годдзя Брэста
Учора 11:47
У Косаўскім палацы. Фота з архіва Рэстаўрацыю Косаўскага палацава-паркавага ансамбля плануюць завяршыць у 2020 годзе
Учора 11:11
Гастрольны тур спектакля "Радзіва "Прудок" Купалаўскага тэатра пачаўся з аншлагаў у Брэсце
18 Ліпень, 13:01
Пленэр, прагноз ад слімака і тэатралізаванае шэсце - у Глыбокім пройдзе "Вішнёвы фестываль"
17 Ліпень, 16:44
Фота з архіва Сусветныя шэдэўры оперы і аперэты прагучаць 15 жніўня ў канцэртнай зале "Верхні горад"
17 Ліпень, 13:17
Прэм'ера песні Гвердцытэлі і выступленне сям'і Паўліяшвілі - у Віцебску прайшоў канцэрт шансона
17 Ліпень, 13:01
Артыстаў з 7 краін збярэ ў Гродне фестываль вулічнага мастацтва
16 Ліпень, 17:48
Поўная версія