Поўная версія

Музей гісторыі ВАВ рыхтуе да 75-годдзя экспазіцыю "Вяртаючы час"

Культура 07.10.2019 | 17:56
Фота з архіва
Фота з архіва

7 кастрычніка, Мінск /Кар. БЕЛТА/. Экспазіцыя "Вяртаючы час" адкрыецца 22 кастрычніка ў Беларускім дзяржаўным музеі гісторыі Вялікай Айчыннай вайны, паведаміў карэспандэнту БЕЛТА дырэктар установы Уладзімір Варапаеў.

Выставачны праект прысвечаны 75-годдзю стварэння музея. "На выстаўцы будзе прадстаўлена больш за 500 арыгінальных музейных прадметаў, якія паступілі ў нашы фонды за апошнія 5 гадоў. Наведвальнікі ўбачаць баявыя ўзнагароды, асабістыя рэчы, дакументы ўдзельнікаў Вялікай Айчыннай вайны, зброю, аўтарскія фота ваенных фотакарэспандэнтаў Аляксандра Дзітлава і Яўгена Падшывалава, малюнкі і эцюды беларускіх і расійскіх мастакоў Сяргея Каткова, Дзмітрыя Красільнікава, Барыса Аракчэева, Георгія Паплаўскага, Сямёна Абрамава і Пятра Шарыпы", - расказаў Уладзімір Варапаеў.

Акрамя таго, можна будзе азнаёміцца з падарункамі, зробленымі музею ўрадавымі дэлегацыямі Расіі, Арменіі, Казахстана, Туркменістана, Таджыкістана, Егіпта, КНР, М'янмы. "Усе музейныя прадметы будуць экспанавацца ўпершыню. Магу вас запэўніць, раней мы нічога такога не рыхтавалі", - адзначыў дырэктар.

Уладзімір Варапаеў падкрэсліў, што дата адкрыцця выставачнага праекта была выбрана не выпадкова. Менавіта 22 кастрычніка 1944 года на вызваленай тэрыторыі Беларусі пачаў сваю дзейнасць музей гісторыі ВАВ. Разам з тым летапіс вайны пачаў складацца яшчэ ў перыяд бязлітасных баёў на фронце - у 1942 годзе.

"Зборам дакументаў і матэрыялаў ваеннага часу займалася спецыяльна створаная камісія. Менавіта за першыя паўгода яе работы быў сабраны ўнікальны матэрыял, які знайшоў сваё адлюстраванне ў выстаўцы "Беларусь жыве, Беларусь змагаецца, Беларусь была і будзе савецкай". Яна адкрылася ў першыя чыслы лістапада 1942 года ў будынку Дзяржаўнага гістарычнага музея, размешчанага на Краснай плошчы ў Маскве, - дадаў Уладзімір Варапаеў. - Экспанатаў было ўсяго 313. Гэта былі дакументы, фатаграфіі, рэчы і нават мастацкія творы".

Выстаўка працавала ў Маскве да жніўня 1944 года i затым была перавезена ў Мінск. Менавіта яна заклала аснову першай экспазіцыі музея на вызваленай беларускай зямлі. У 1944 годзе кіраўніцтва БССР прыняло рашэнне выдзеліць для музея адно з нямногіх уцалелых у цэнтры Мінска будынкаў - Дом прафсаюзаў на плошчы Свабоды.

У студзені 1966 года музей пераехаў у нядаўна пабудаваны будынак на Ленінскім праспекце. Новая экспазіцыя музея на праспекце Пераможцаў была адкрыта пры ўдзеле прэзідэнтаў Беларусі і Расіі Аляксандра Лукашэнкі і Уладзіміра Пуціна 2 ліпеня 2014 года напярэдадні святкавання 70-годдзя вызвалення краіны ад нямецка-фашысцкіх захопнікаў. З гэтага часу пачаўся новы этап у гісторыі музея.-0-

Навіны рубрыкі Культура
Фота арганізатараў выставы Фотавобразы 1000-гадовага Брэста прадставілі ў галоўнай выставачнай зале горада
18 Кастрычнік, 10:03
Шасцігадзінным арт-батлам мастакоў пачаўся фестываль "Віцебскі лістапад"
18 Кастрычнік, 09:08
Бондар: Дні культуры Туркменістана - яркая старонка летапісу духоўнага ўзаемаўзбагачэння
17 Кастрычнік, 19:53
Фота junioreurovision.tv Анлайн-галасаванне на сайце дзіцячага "Еўрабачання" стартуе 22 лістапада
17 Кастрычнік, 19:00
Пеўчая традыцыя Полацкага раёна ўвайшла ў спіс нематэрыяльных каштоўнасцей Беларусі
17 Кастрычнік, 17:47
Дэбютантаў першага Венскага балю ў Купалаўскім выберуць з 200 прэтэндэнтаў
17 Кастрычнік, 16:41
Фота gomel.gov.by На міжнародным фестывалі мастацтваў Gomel Fest чакаюць каля 2 тыс. удзельнікаў
16 Кастрычнік, 19:53
Вызначаны пераможцы конкурсу сцэнарыяў ігравых фільмаў "Мая Беларусь"
16 Кастрычнік, 17:17
Праекты студэнтаў БДАМ увайшлі ў праграму Мінскага міжнароднага фестывалю паўнакупальных фільмаў
16 Кастрычнік, 14:37
Поўная версія