Поўная версія

Кніжная выстаўка аб спадчыне Кірылы і Мяфодзія адкрылася ў Нацыянальнай бібліятэцы

Культура 21.05.2019 | 12:19
Фота з архіва
Фота з архіва

21 мая, Мінск /Кар. БЕЛТА/. Кніжная выстаўка, прымеркаваная да Дня славянскага пісьменства і культуры, адкрылася сёння ў Нацыянальнай бібліятэцы Беларусі, паведамілі БЕЛТА ў НББ.

У многіх краінах Усходняй і Паўднёвай Еўропы 24 мая ўшаноўваюць памяць вялікіх славянскіх асветнікаў Кірылы і Мяфодзія. У Беларусі гэты дзень адзначаецца як Дзень славянскага пісьменства і культуры.

"Нацыянальная бібліятэка падрыхтавала кніжную выстаўку "Спадчына Кірылы і Мяфодзія", каб паказаць значнасць дзейнасці братоў-асветнікаў для развіцця еўрапейскай цывілізацыі. На ёй прадстаўлена каля 50 дакументаў, перыяд выдання якіх складае больш за 120 гадоў, - расказалі ў бібліятэцы. - Сярод іх арыгінальныя выданні Іосіфа Даброўскага, Івана Малышэўскага, Пятра Лаўроўскага - першых даследчыкаў жыцця Кірылы і Мяфодзія. Прадстаўлены работы рускіх і заходнееўрапейскіх аўтараў, першыя Кірыла-Мяфодзіеўскія зборнікі і падручнікі царкоўнаславянскай мовы. Дапаўняюць выстаўку факсімільныя выданні Астрамірава Евангелля (1056-1057 гады), Ізборніка Святаслава (1073) і Тураўскага Евангелля - найбольш ранняй рукапіснай кнігі на беларускіх землях (XI стагоддзе)".

У 863 годзе князь Вялікай Маравіі Расціслаў запрасіў з Візантыі місіянераў для перакладу Бібліі і ўвядзення богаслужэння на славянскай мове. Для гэтых мэт браты Кірыла і Мяфодзій стварылі славянскі алфавіт і пераклалі на стараславянскую мову Біблію. Так народы Паўднёвай, часткова Цэнтральнай і Усходняй Еўропы атрымалі доступ да ўнікальнай духоўнай спадчыны старажытных цывілізацый.

Выстаўка будзе працаваць да 30 ліпеня.-0-

Навіны рубрыкі Культура
Фота з архіва Артыстаў з 7 краін збярэ ў Гродне фестываль вулічнага мастацтва
17:48
Кераміку I-IV стагоддзяў знайшлі на месцы старажытнага гарадзішча пад Верхнядзвінскам
12:14
Фотавыстаўка БЕЛТА і "Арменпрэс" аб спітакскай трагедыі адкрыецца ў Мінску 24 ліпеня
11:32
Pupo Спявак Pupo ператварыў сваё выступленне на "Славянскім базары" ў дыскатэку і пакарыў залу імправізацыяй
10:23
Падарунак ад Сафіі Ратару і песня аб фестывалі - у Віцебску завяршыўся "Славянскі базар-2019"
09:00
Віцебск развітваецца са "Славянскім базарам-2019": яркія моманты міжнароднага форуму мастацтваў
Учора 18:20
Адзільхан Макін Гран-пры конкурсу выканаўцаў эстраднай песні "Віцебск-2019" прысудзілі Адзільхану Макіну з Казахстана
Учора 17:54
Нацыянальны гістарычны музей Беларусі развівае супрацоўніцтва з кітайскімі партнёрамі
Учора 15:38
Казахстанец набраў найбольшы бал на конкурсе "Славянскага базару"
Учора 11:28
Поўная версія