Поўная версія

Капсулу з зямлёй з магілы Багдановіча заклалі ў храме з нагоды 125-годдзя з дня нараджэння паэта

Культура 09.12.2016 | 14:03

9 снежня, Мінск /Кар. БЕЛТА/. Капсулу з зямлёй з магілы беларускага паэта Максіма Багдановіча заклалі сёння ў Храме-помніку ў гонар Усіх Святых у Мінску з нагоды 125-годдзя з дня нараджэння літаратара, перадае карэспандэнт БЕЛТА.

Цырымонія "Вяртанне" па закладцы капсулы з зямлёй з магілы паэта адбылася ў крыпце храма.

Намеснік прэм'ер-міністра Наталля Качанава зачытала прывітанне кіраўніка дзяржавы з нагоды 125-годдзя з дня нараджэння Максіма Багдановіча.

Як адзначыў міністр культуры Барыс Святлоў, цырымонія пахавання зямлі з магілы Максіма Багдановіча ў Ялце - сімвалічнае дзейства. Паэт завяшчаў быць пахаваным у Беларусі. "Узяцце зямлі з магілы паэта і пахаванне капсулы на радзіме - выкананне волі Максіма Багдановіча", - сказаў міністр.

Барыс Святлоў дадаў, што да юбілею Багдановіча адрамантаваны будынак музея ў Мінску, а таксама падрыхтавана яго новая экспазіцыя. Мерапрыемствы да юбілею пройдуць у музеі "Хатка Максіма". "І ў цэлым ніводная ўстанова культуры не засталася ўбаку ад святкавання 125-гадовага юбілею", - падкрэсліў міністр.

У Белай зале храма адбылося мемарыяльнае літаратурнае чытанне.-0-

Навіны рубрыкі Культура
Поўная версія