Поўная версія

Дырэкцыя "Славянскага базару" шукае новых зорак

Культура 20.11.2019 | 17:40
Фота з архіва
Фота з архіва

20 лістапада, Віцебск /Вольга Багачова - БЕЛТА/. Дырэкцыя "Славянскага базару" шукае новых зорак. Сваім меркаваннем усе жадаючыя могуць падзяліцца ў сацыяльных сетках форуму, паведамілі карэспандэнту БЕЛТА ў дырэкцыі фестывалю.

Важная ўмова арганізатараў - у спісах прапаноў неабходна пазначаць артыстаў, якія ніколі раней не прымалі ўдзел у фестывалі. Мы цэнім кожнае меркаванне, аднак рэальнасць таксама ўносіць свае карэктывы ў плане тэхнічных магчымасцей, умяшчальнасці канцэртнай пляцоўкі і іншых фактараў. І гэта трэба ўлічваць, пакідаючы свае пажаданні", - адзначылі ў дырэкцыі.

Усе меркаванні падпісчыкаў будуць вывучаны, поўны спіс імён прапануемых зорак арганізатары форуму потым абмяркуюць на сустрэчы з рэжысёрска-пастановачнымі групамі фестывалю. "Правядзенне апытання з'яўляецца адным з важных крокаў у рабоце па падрыхтоўцы праграмы "Славянскага базару". У бліжэйшы час мы правядзём і іншыя інтэрактывы такога плана з падпісчыкамі", - падкрэслілі ў дырэкцыі.

Сваім меркаваннем з арганізатарамі падзяліліся ўжо дзясяткі людзей. Акрамя прапаноў запрасіць заходніх зорак сусветнай велічыні (Rammstein, Eminem, Мадонну, Джасціна Бібера) шмат імёнаў расійскіх і ўкраінскіх артыстаў і груп. Пакінулі свае прапановы паклоннікі форуму і наконт праграмы "Залаты хіт". -0-

Навіны рубрыкі Культура
Поўная версія