Поўная версія

Аўтэнтычныя абрады правядуць на Пятроў дзень у Лельчыцкім раёне

Культура 12.07.2019 | 13:52

12 ліпеня, Гомель /Кар. БЕЛТА/. Аўтэнтычныя абрады правядуць сёння на народным свяце "Пятроўскія гулянні" ў аграгарадку Ударнае Лельчыцкага раёна, паведамілі карэспандэнту БЕЛТА арганізатары.

Традыцыйна дзейства прымеркавана да Дня святых апосталаў Пятра і Паўла, які адзначаецца 12 ліпеня, а таксама да Дня вёскі.

Каб змяніць лёс, вяскоўцы на Пятроў дзень каталіся на старадаўніх арэлях, зачытвалі словы замовы і верылі ў перамены да лепшага. З даўніх часоў у мясцовых жыхароў існаваў і звычай заплятаць у гэты дзень галіны бяроз. З гэтай традыцыяй, якая дайшла да нашых дзён, звязвалі надзеі на будучыню. Маладыя дзяўчаты запляталі ў галіны яркія стужкі і загадвалі жаданне. Паводле павер'я, калі за ноч вецер не растрапае гэтыя косы, яно здзейсніцца. Сёння вечарам далучыцца да абраду змогуць усе жадаючыя.

Традыцыйна Пятроўскія гулянні збіраюць шмат гасцей з усяго раёна. Брэндам аграгарадка стаў народны танец "Нарэчанька". З году ў год ён становіцца кульмінацыяй свята. І на гэты раз станцаваць яго запрашаюць усіх.

Цэнтрам дзейства стане пляцоўка каля Ударненскага цэнтра культуры. Тут мясцовыя ўлады будуць ушаноўваць самых юных жыхароў аграгарадка - тых, хто нарадзіўся ў гэтым годзе. Іх бацькам прадстаўнікі сельвыканкама адрасуюць цёплыя пажаданні і ўручаць сувеніры. Традыцыйна адзначаюць і гаспадароў дамоў узорнага парадку. У бягучым годзе такога звання ўдастоены адразу чатыры сям'і. Таксама адзначаць тых, хто ўсёй душой балее за сваю малую радзіму і актыўна ўдзельнічае ў навядзенні парадку і добраўпарадкаванні тэрыторыі сельсавета.

У праграме мерапрыемстваў - выступленне калектываў мастацкай самадзейнасці, вулічнае народнае гулянне, майстар-клас па традыцыйных народна-бытавых танцах, выстаўкі, спартыўныя і жартоўныя конкурсы і спаборніцтвы. Напрыклад, той, хто зможа забрацца на "Прызавы слуп", папоўніць засекі збожжам, сенам або саломай.

На гандлёвых радах будзе прапанавана свежая выпечка, ласункі, напіткі, шашлыкі і іншыя пачастункі.

Пачатак свята ў 19.00.-0-

Навіны рубрыкі Культура
Камерная зала Вялікага тэатра Беларусі адкрые сезон шэдэўрамі сусветнай оперы
Учора 15:09
"Беларусь 3" падрыхтаваў тэматычныя выпускі да дзён нараджэнняў Валянціны Гаявой і Генадзя Гарбука
Учора 14:01
Выстава праваслаўных абразоў "Нябеснае воінства" адкрылася да 1000-годдзя Брэста
Учора 11:47
У Косаўскім палацы. Фота з архіва Рэстаўрацыю Косаўскага палацава-паркавага ансамбля плануюць завяршыць у 2020 годзе
Учора 11:11
Гастрольны тур спектакля "Радзіва "Прудок" Купалаўскага тэатра пачаўся з аншлагаў у Брэсце
18 Ліпень, 13:01
Пленэр, прагноз ад слімака і тэатралізаванае шэсце - у Глыбокім пройдзе "Вішнёвы фестываль"
17 Ліпень, 16:44
Фота з архіва Сусветныя шэдэўры оперы і аперэты прагучаць 15 жніўня ў канцэртнай зале "Верхні горад"
17 Ліпень, 13:17
Прэм'ера песні Гвердцытэлі і выступленне сям'і Паўліяшвілі - у Віцебску прайшоў канцэрт шансона
17 Ліпень, 13:01
Артыстаў з 7 краін збярэ ў Гродне фестываль вулічнага мастацтва
16 Ліпень, 17:48
Поўная версія