Поўная версія

Аркестр Міхаіла Фінберга запрашае на свята мастацтваў "Музы Нясвіжа"

Культура 23.05.2019 | 12:41
Міхаіл Фінберг. Фота з архіва
Міхаіл Фінберг. Фота з архіва

23 мая, Мінск /Кар. БЕЛТА/. Нацыянальны акадэмічны канцэртны аркестр Беларусі запрашае 23-25 мая на XXIV свята мастацтваў "Музы Нясвіжа", паведаміў карэспандэнту БЕЛТА мастацкі кіраўнік калектыву Міхаіл Фінберг.

У першы дзень свята мастацтваў заслужаны аматарскі калектыў Беларусі Тэатр імя Уршулі Радзівіл" Нясвіжскага раённага цэнтра культуры пакажа камедыю паводле п'есы Мальера "Ён - мужык, а яна - паненка". 24 мая ў Нясвіжскай цэнтральнай раённай бібліятэцы адбудзецца творчая сустрэча Міхаіла Фінберга з жыхарамі старажытнага горада "Год юбілею Станіслава Манюшкі", а ў раённым цэнтры культуры пройдзе канцэрт акадэмічнай музыкі "Нясвіж - крыніца натхнення Станіслава Манюшкі і яго аднадумцаў". Там жа адкрыецца мастацкая выстава "Краявіды Нясвіжа вачыма дзяцей".

Канцэрт "Рэлігійныя творы айчынных майстроў" адбудзецца 25 мая ў Нясвіжскім Касцёле Божага Цела, канцэрт "Музыка беларускіх палацаў" - у тэатральнай зале Палацавага ансамбля Нясвіжа. Завершыцца музычная акцыя ў Нясвіжскім цэнтры культуры гала-канцэртам "Новае ў Нясвіжы".

"Мне асабліва прыемна выступаць у гэтым рэгіёне, паколькі я ганаровы грамадзянін Мінскай вобласці і Нясвіжа. Для любога музыканта самая высокая ацэнка яго творчасці - запаўняльнасць залы ў час выступлення. У Нясвіжы ўсе нашы канцэрты праходзяць з аншлагам. Я ўдзячны гледачам за адданасць нашаму аркестру і заўсёды стараюся парадаваць іх новымі праграмамі і праектамі", - адзначыў маэстра.

Арганізатарамі ХХIV свята мастацтваў "Музы Нясвіжа-2019" з'яўляюцца Міністэрства культуры, Мінскі абласны выканаўчы камітэт, Нясвіжскі раённы выканаўчы камітэт і Нацыянальны акадэмічны канцэртны аркестр Беларусі.-0-

Навіны рубрыкі Культура
Камерная зала Вялікага тэатра Беларусі адкрые сезон шэдэўрамі сусветнай оперы
Учора 15:09
"Беларусь 3" падрыхтаваў тэматычныя выпускі да дзён нараджэнняў Валянціны Гаявой і Генадзя Гарбука
Учора 14:01
Выстава праваслаўных абразоў "Нябеснае воінства" адкрылася да 1000-годдзя Брэста
Учора 11:47
У Косаўскім палацы. Фота з архіва Рэстаўрацыю Косаўскага палацава-паркавага ансамбля плануюць завяршыць у 2020 годзе
Учора 11:11
Гастрольны тур спектакля "Радзіва "Прудок" Купалаўскага тэатра пачаўся з аншлагаў у Брэсце
18 Ліпень, 13:01
Пленэр, прагноз ад слімака і тэатралізаванае шэсце - у Глыбокім пройдзе "Вішнёвы фестываль"
17 Ліпень, 16:44
Фота з архіва Сусветныя шэдэўры оперы і аперэты прагучаць 15 жніўня ў канцэртнай зале "Верхні горад"
17 Ліпень, 13:17
Прэм'ера песні Гвердцытэлі і выступленне сям'і Паўліяшвілі - у Віцебску прайшоў канцэрт шансона
17 Ліпень, 13:01
Артыстаў з 7 краін збярэ ў Гродне фестываль вулічнага мастацтва
16 Ліпень, 17:48
Поўная версія