Поўная версія

Арганізатары не маюць намеру кардынальна мяняць "Славянскі базар у Віцебску"

Культура 18.04.2019 | 19:27
Фота з архіва
Фота з архіва

18 красавіка, Масква /Эдуард Півавар - БЕЛТА/. Міжнародны фестываль мастацтваў "Славянскі базар у Віцебску" кардынальна мяняцца не будзе. Аб гэтым сёння на прэс-канферэнцыі ў Маскве заявіў дырэктар фестывалю Глеб Лапіцкі, які не так даўно стаў кіраўніком славянскага форуму, перадае карэспандэнт БЕЛТА.

"У бягучым годзе фестываль ні ад чаго не адмаўляецца, - падкрэсліў Глеб Лапіцкі. - І са зменай кіраўніка (аднаго кіраўніка, больш у нас ніхто не змяніўся), хачу адразу развеяць усе міфы, - нічога мы кардынальна не мяняем. Толькі хочам мадэрнізаваць фестываль".

Паводле слоў дырэктара, у гэтым годзе на "Славянскім базары ў Віцебску" пройдзе каля 200 мерапрыемстваў. Традыцыйна цэнтральнай фестывальнай пляцоўкай стане Летні амфітэатр. Мерапрыемствы форуму пройдуць таксама ў канцэртнай зале "Віцебск", Нацыянальным акадэмічным драматычным тэатры імя Якуба Коласа, Віцебскай абласной філармоніі, тэатры "Лялька", віцебскім Палацы спорту і на іншых пляцоўках.

Асноўнымі фестывальнымі падзеямі па-ранейшаму застануцца конкурсныя спаборніцтвы. У міжнародным конкурсе выканаўцаў эстраднай песні "Віцебск-2019" заяўлена 18 удзельнікаў з 18 краін, пры гэтым, заўважыў Глеб Лапіцкі, прэтэндэнтамі на ўдзел у конкурсе былі прадстаўнікі 34 краін. У бягучым годзе арганізатары адмовіліся ад правядзення паўфіналу, спаборніцтва пройдзе на працягу двух дзён. У першы дзень канкурсанты выканаюць славянскі хіт - песні на адной са славянскіх моў у суправаджэнні Нацыянальнага акадэмічнага канцэртнага аркестра Беларусі пад кіраўніцтвам Міхаіла Фінберга. У другі дзень удзельнікі спаборніцтва прадставяць сусветныя хіты, іх выступленне будзе суправаджаць шоу-балет Алы Духавай "Тодэс". Журы конкурсу выканаўцаў эстраднай песні ўзначаліць народная артыстка Грузіі і Расіі Тамара Гвердцытэлі.

У міжнародным дзіцячым музычным конкурсе "Віцебск-2019" будуць удзельнічаць прадстаўнікі 21 краіны. На пасаду старшыні журы гэтага конкурсу запрошаны папулярны шведскі спявак і кампазітар Босан.

Традыцыйна на фестывалі пройдзе Дзень Саюзнай дзяржавы, у час якога будзе адзначацца 50-годдзе легендарнага беларускага ансамбля "Песняры". Своеасаблівай уверцюрай да фестывалю стане незвычайны канцэрт, які злучыць на адной сцэне зорак сусветнай оперы і рока. У праграме "Славянскага базару ў Віцебску" значацца таксама выступленні каманд вышэйшай лігі КВЗ, лядовае і цыркавое шоу, джазавыя вечары, тэатральныя паказы, выставы і многае іншае. З сольнымі канцэртамі выступяць Стас Міхайлаў, Надзея Кадышава і ансамбль "Залатое кальцо", група "Кіпелаў" і іншыя артысты.

Фестываль "Славянскі базар у Віцебску" ў гэтым годзе пройдзе з 8 па 17 ліпеня. Урачыстая цырымонія і гала-канцэрт адкрыцця адбудуцца ў Летнім амфітэатры 11 ліпеня, закрыцця - 15 ліпеня. Дадатковыя мерапрыемствы запланаваны на 8-10 і 16-17 ліпеня.-0-

Навіны рубрыкі Культура
Камерная зала Вялікага тэатра Беларусі адкрые сезон шэдэўрамі сусветнай оперы
Учора 15:09
"Беларусь 3" падрыхтаваў тэматычныя выпускі да дзён нараджэнняў Валянціны Гаявой і Генадзя Гарбука
Учора 14:01
Выстава праваслаўных абразоў "Нябеснае воінства" адкрылася да 1000-годдзя Брэста
Учора 11:47
У Косаўскім палацы. Фота з архіва Рэстаўрацыю Косаўскага палацава-паркавага ансамбля плануюць завяршыць у 2020 годзе
Учора 11:11
Гастрольны тур спектакля "Радзіва "Прудок" Купалаўскага тэатра пачаўся з аншлагаў у Брэсце
18 Ліпень, 13:01
Пленэр, прагноз ад слімака і тэатралізаванае шэсце - у Глыбокім пройдзе "Вішнёвы фестываль"
17 Ліпень, 16:44
Фота з архіва Сусветныя шэдэўры оперы і аперэты прагучаць 15 жніўня ў канцэртнай зале "Верхні горад"
17 Ліпень, 13:17
Прэм'ера песні Гвердцытэлі і выступленне сям'і Паўліяшвілі - у Віцебску прайшоў канцэрт шансона
17 Ліпень, 13:01
Артыстаў з 7 краін збярэ ў Гродне фестываль вулічнага мастацтва
16 Ліпень, 17:48
Поўная версія