Тым часам медыяхолдынг прадаўжае падрыхтоўку да фінальнага гала-канцэрта. Сёння ў студыі "600 метраў" Белтэлерадыёкампаніі пачалася работа па мантажы абсталявання і сцэны.
Згодна з канцэпцыяй, для асновы візітных картак выкарыстана сімволіка беларускага арнаменту. А для рэалізацыі творчай задумы рэжысёрская група ўзброілася добрым настроем, а таксама люмінесцэнтнай фарбай, аргшклом і лямпамі з ультрафіялетам.
Канцэрт пройдзе ў прамым эфіры. У ім прымуць удзел 13 выканаўцаў і груп, якія прэтэндуюць стаць прадстаўнікамі Беларусі на самым маштабным песенным шоу Еўропы, якое пройдзе ў маі 2017 года ў сталіцы Украіны.
Удзельнік фіналу, які набраў найбольшую колькасць балаў па выніках галасавання прафесійнага журы і галасавання гледачоў, аб'яўляецца пераможцам праекта і становіцца афіцыйным прадстаўніком Рэспублікі Беларусь на міжнародным конкурсе песні "Еўрабачанне-2017" у Кіеве (Украіна).
Медыяхолдынг, які арганізуе і праводзіць адбор, а таксама займаецца падрыхтоўкай беларускіх удзельнікаў дарослага і дзіцячага конкурсаў "Еўрабачанне" як член Еўрапейскага вяшчальнага саюза, вядзе падлік заявак.
Для ўдзелу ў конкурсе трэба каштоўнай бандэроллю накіраваць заяўку на адрас: 220807, г. Мінск, вул. Макаёнка, 9, з паметкай "Нацыянальны адборачны тур конкурсу песні "Еўрабачанне-2017". Апошні дзень прыёму заявак - 22 лістапада.
Афіцыйны беларускі прадстаўнік на "Еўрабачанні-2017" будзе вызначаны ў час транляцыі фіналу нацыянальнага адбору шляхам галасавання тэлегледачоў і прафесійнага журы, па класічнай формуле 50х50.
Такая ж колькасць краін удзельнічала ў конкурсах 2008 і 2011 гадоў. Сярод удзельнікаў - Румынія і Партугалія, якія вяртаюцца пасля гадавой адсутнасці. Аўстралія мае намер трэці раз удзельнічаць у конкурсе "Еўрабачанне".
Навіны
Сюжеты