16 мая, Мінск /Кар. БЕЛТА/. Злучаныя Штаты Амерыкі прыпынілі авіязносіны з Венесуэлай. Такую інфармацыю распаўсюдзіла міністэрства транспарту ЗША, паведамляе БЕЛТА.
"Міністэрства ўнутранай бяспекі ЗША не рэкамендуе авіяпералёты ў Венесуэлу з-за пагрозы бяспецы пасажыраў, самалётаў і членаў экіпажаў, якія прыбываюць і пакідаюць гэту краіну. Прынята рашэнне аб прыпыненні ўсіх рэйсаў грамадзянскай авіяцыі паміж ЗША і Венесуэлай", - гаворыцца ў заяве міністра транспарту ЗША Элейн Чаа.-0-