5 чэрвеня, Брусель /БЕЛТА - УКРІНФАРМ/. Украіна разлічвае на аднаўленне рэгулярнага дыялогу ў Камісіі Украіна-НАТА на ўсіх узроўнях і прапануе правесці пасяджэнне Паўночнаатлантычнага савета ва Украіне. Аб гэтым заявіў прэзідэнт Уладзімір Зяленскі на сумеснай прэс-канферэнцыі з генеральным сакратаром НАТА Енсам Столтэнбергам.
"Мы спадзяёмся аднавіць наш рэгулярны дыялог у рамках Камісіі Украіна-НАТА на ўзроўні кіраўнікоў дзяржаў і ўрадаў, міністраў абароны і міністраў замежных спраў", - сказаў Уладзімір Зяленскі.
Ён дадаў, што ўкраінская ўлада імкнецца захаваць існуючыя механізмы супрацоўніцтва і ўсе іншыя, якія альянс гатовы прапанаваць, але на цяперашнім этапе трэба сканцэнтравацца на ўкараненні ўнутраных рэформ, якія наблізяць Украіну да стандартаў НАТА.
"Належнае выкананне закона аб нацыянальнай бяспецы - гэта адна з маіх найпершых задач. Я маю на ўвазе рэформу Службы бяспекі, разведкі, абароннага сектара, дэмакратычны кантроль за сектарам бяспекі", - акцэнтаваў прэзідэнт.-0-
