10 ліпеня, Кіеў /БЕЛТА - УКРІНФАРМ/. Прэзідэнт Украіны Уладзімір Зяленскі падпісаў указ, якім здымаюцца папярэднія забароны ў частцы наведвання зоны адчужэння, а таксама ствараецца зялёны калідор для турыстаў. Аб гэтым ён заявіў у час рабочай паездкі на ЧАЭС, паведамляецца ў Twitter кіраўніка дзяржавы.
"Сёння я падпісаў указ, які стане пачаткам ператварэння зоны адчужэння ў адну з кропак росту новай Украіны. Для пачатку мы створым зялёны калідор для турыстаў і ліквідуем перадумовы для карупцыі", - адзначыў Уладзімір Зяленскі. Ён падкрэсліў, што трэба паказаць Чарнобыль свету - вучоным, эколагам, гісторыкам і турыстам.-0-