23 сакавіка, Мінск /Кар. БЕЛТА/. Тэрарыст, які ўчыніў нападзенне ў Лондане, быў брытанцам і дзейнічаў адзін. Аб гэтым сёння заявіла прэм'ер-міністр Вялікабрытаніі Тэрэза Мэй, паведамляюць інфармагенцтвы.
Паводле слоў прэм'ера, асоба тэрарыста вядома паліцыі, некалькі гадоў таму ён трапляў у поле зроку разведслужбаў у сувязі з экстрэмісцкай дзейнасцю.
Тэракт быў учынены 22 сакавіка паблізу брытанскага парламента. Мужчына на арандаваным аўто спачатку пратараніў натоўп пешаходаў, а потым накінуўся з нажом на паліцэйскіх.
Паводле апошняй інфармацыі, у выніку тэракта загінулі чатыры чалавекі, паранены 40. Сярод пацярпелых - прадстаўнікі 11 нацыянальнасцей. Сам нападаючы быў застрэлены паліцэйскім. У сувязі з тэрактам паліцыя затрымала восем чалавек.-0-