27 чэрвеня, Кіеў /БЕЛТА - УКРІНФАРМ/. Камп'ютарныя сеткі энергакампаніі "Кіеўэнерга", "Укртэлекама", "Ашчадбанка", а таксама многіх іншых кампаній пацярпелі ад хакерскай атакі. Аб гэтым паведамляе ain.ua.
Пацярпелі і сеткі больш дробных кампаній - каб засцерагчыся, уладальнікі адключаюць інтэрнэт і звязаныя з ім сэрвісы.
"Дэталёвых рэкамендацый аб тым, як засцерагчыся, пакуль няма, але калі ў вашай кампаніі ёсць устройствы на Windows, лепш адключыцца ад сеткі, забекапіць даныя, запускацца пад іншымі АС. Калі важныя даныя ёсць у воблаку - часова адключыць сінхранізацыю ПК з ім", - раіць айцішны рэсурс.
Паводле даных ain.ua, камп'ютары кампаніі заражаны вірусам, падобным да WannaCry.
"Нацыянальны банк Украіны папярэдзіў банкі і іншых удзельнікаў фінансавага сектара аб знешняй хакерскай атацы невядомым вірусам на некалькі ўкраінскіх банкаў, а таксама на некаторыя прадпрыемствы камерцыйнага і дзяржаўнага сектараў, што адбываецца сёння", - гаворыцца ў паведамленні.
Паводле даных віцэ-прэм'ера Паўла Разенкі, "абвалілі" камп'ютары і сакратарыята Кабінета міністраў.-0-