11 жніўня, Мінск /Кар. БЕЛТА/. Ураган "Франклін" абрушыўся на цэнтральную частку Мексікі моцнымі ліўнямі і парывістым ветрам, а ў муніцыпалітэце Марыяна-Эскабеда з-за стыхіі абваліўся мост. Як інфармуе ТАСС, у выніку надзвычайнага здарэння жыхары 43 населеных пунктаў штата Веракрус аказаліся часова адрэзанымі ад "вялікай зямлі".
Паводле даных улад, наступствы ўрагану закранулі амаль 13 тыс. чалавек. Інфармацыя аб пацярпелых і загінулых пакуль не паступала. Ратавальнікі вядуць ліквідацыю наступстваў стыхійнага бедства.-0-
