22 кастрычніка, Мінск /Кар. БЕЛТА/. Урад Вялікабрытаніі прадставіў парламенту новы законапраект аб Brexit, заснаваны на дасягнутым 17 кастрычніка пагадненні аб умовах выхаду каралеўства з ЕС, паведамляе ТАСС.
Увечары 21 кастрычніка дэпутаты пачалі першае чытанне дакумента на 110 старонак, тлумачэнні да якога займаюць яшчэ 125 старонак.
Каб паспець ажыццявіць Brexit да 31 кастрычніка, на разгляд законапраекта Палаце абшчын адведзена ўсяго тры дні. Пасля гэтага яго разгледзіць Палата лордаў, а затым ён будзе перададзены на подпіс каралеве Лізавеце II. У тэксце дакумента ёсць пункт, што закон можа быць прыняты ў рэкордна кароткі тэрмін, нягледзячы на тое, што на разгляд міжнародных дамоўленасцей парламентам павінен адводзіцца мінімум 21 дзень.-0-
