16 мая, Мінск /Кар. БЕЛТА/. Ліўневыя дажджы і шквалісты вецер абрушыліся на паўночны ўсход ЗША, без святла засталіся больш за 400 тыс. чалавек, паведамляюць інфармагенцтвы.
Удар стыхіі прыпаў на штаты Нью-Ёрк, Нью-Джэрсі, Пенсільванія і Канектыкут. Парывы ветру тут дасягаюць 35 м/сек. Насельніцтва папярэдзілі аб магчымасці ўзнікнення тарнада.
Непагода ўнесла карэктывы ў транспартныя зносіны ў рэгіёне. Так, прыпынены рух прыгарадных паяздоў у Нью-Ёрку, з-за чаго на Цэнтральным вакзале горада знаходзіцца некалькі тысяч пасажыраў.
Сіноптыкі прагназуюць, што моцныя дажджы будуць прадаўжацца на паўночным усходзе ЗША на працягу ўсяго тыдня.-0-