29 чэрвеня, Мінск /Кар. БЕЛТА/. Улады ЗША аб'явілі аб узмацненні мер бяспекі на авіярэйсах з-за мяжы. Гэтыя меры накіраваны на тое, каб на борт самалёта не маглі трапіць выбуховыя рэчывы, паведамляе Бі-Бі-Сі.
Новыя меры бяспекі прадугледжваюць узмацненне надгляду на рэйсах з усіх 105 краін свету, адкуль лятаюць самалёты ў ЗША. Узмоцненыя праверкі закрануць пасажыраў дзвюх тысяч авіярэйсаў, якія штодзень прыбываюць у ЗША з 280 аэрапортаў свету.
Авіякампаніям дадзена тры месяцы на падрыхтоўку да гэтых мер надгляду, інакш ім могуць быць забаронены палёты ў ЗША.-0-