21 верасня, Мінск /Кар. БЕЛТА/. У цэнтры расійскага Растова-на-Доне гарыць будынак гасцініцы. Як паведамляе ТАСС, у пажары загінулі два чалавекі.
Інфармацыя аб пажары паступіла ў МНС у 13.43 па маскоўскім часе. Будынак гарыць па ўсёй плошчы - амаль 800 кв.м. Пажару прысвоены трэці ўзровень складанасці.
З-за небяспекі распаўсюджвання агню ў суседніх будынках праведзена эвакуацыя людзей. У агульнай колькасці было выведзена на вуліцу больш за 100 чалавек.
Вядома, што пажар у гасцініцы закрануў дах і паддашак Данскога дзяржаўнага казацкага інстытута харчовых тэхналогій і бізнесу. Пажарныя паспелі своечасова патушыць агонь. Будынак інстытута моцна задымлены, людзей паспелі эвакуіраваць.
Паводле даных МНС, агонь таксама пашкодзіў чатыры аўтамабілі, прыпаркаваныя побач з гасцініцай.
У экстранных службах рэгіёна паведамілі, што ў Ленінскім раёне Растова-на-Доне, дзе размешчаны будынак атэля, аб'яўлены рэжым надзвычайнай сітуацыі.-0
