3 кастрычніка, Мінск /Кар. БЕЛТА/. Савет Федэрацыі на сённяшнім пасяджэнні адобрыў закон, які ўстанаўлівае крымінальную адказнасць у Расіі за неабгрунтаваную адмову ў прыёме на работу або звальненне асоб перадпенсійнага ўзросту, паведамляе ТАСС.
Ініцыятыва, унесеная на разгляд парламента прэзідэнтам Расіі, дапаўняе Крымінальны кодэкс (КК) РФ новым артыкулам "Неабгрунтаваная адмова ў прыёме на работу або неабгрунтаванае звальненне асобы, якая дасягнула перадпенсійнага ўзросту". Ён прадугледжвае санкцыі ў выглядзе штрафу да 200 тыс. расійскіх рублёў або ў памеры заработнай платы (іншага прыбытку асуджанага) за перыяд да 18 месяцаў або абавязковых работ на тэрмін да 360 гадзін.
У заўвазе да артыкула даецца азначэнне перадпенсійнага ўзросту. Пад ім прапануецца разумець "узроставы перыяд працягласцю да 5 гадоў, які папярэднічае назначэнню асобе страхавой пенсіі па старасці".
Справы, узбуджаныя па новым артыкуле, будзе расследаваць Следчы камітэт Расіі.-0-