2 лістапада, Мінск /Кар. БЕЛТА/. Кароль Марока Мухамед VI аб'явіў аб пачатку будаўніцтва небаскроба вышынёй 250 м, які стане самым высокім у Афрыцы, паведамляе інфармагенцтва "Сіньхуа".
Небаскроб будзе складацца з 55 паверхаў. У ім размесцяцца раскошны атэль, офісы і апартаменты.
Будаўніцтва небаскроба прафінансуе мараканскі банк BMCE. Паводле папярэдніх ацэнак, праект абыдзецца ў $420 млн.
Узвядзеннем аб'екта зоймецца бельгійская кампанія BESIX, кітайская карпарацыя China Railway Construction Corporation Limited і мараканская кампанія TGCC.-0-