18 студзеня, Рабат /БЕЛТА - ТАСС/. Улады Малі аб'явілі трохдзённую агульнанацыянальную жалобу па ахвярах учыненага сёння тэракта, перадае ТАСС.
Цяпер да месца ўзрыву ў горадзе Гао на паўночным усходзе краіны накіроўваецца ўрадавая дэлегацыя на чале з выконваючым абавязкі міністра абароны і па справах ветэранаў Абдулаем Ідрысам Майга.
У Шматпрофільнай комплекснай місіі ААН па стабілізацыі ў Малі (МІНУСМА) паведамілі, што ахвярамі ўзрыву сталі былыя паўстанцы і актывісты праўрадавых груповак. У МІНУСМА пацвердзілі гібель 37 чалавек. Раней паведамлялася, што ў выніку тэракта загінулі больш за 80 чалавек.
Устаноўлена, што тэрарыст ажыццявіў падрыў начыненага ўзрыўчаткай аўтамабіля каля базы праўрадавых груповак.-0-
