16 сакавіка, Мінск /Кар. БЕЛТА/. У цэнтры іспанскай сталіцы прайшлі масавыя беспарадкі, пацярпелі як мінімум 14 чалавек, паведамляюць інфармагенцтвы.
Беспарадкі справакавала гібель 35-гадовага выхадца з Сенегала. Мужчына пражываў у Іспаніі 14 гадоў і быў вулічным гандляром. Яго знаёмыя сцвярджаюць, што смерць настала ў выніку пагоні, якую паліцэйскія на матацыклах арганізавалі за вулічнымі гандлярамі. Паводле іх слоў, мужчына, уцякаючы ад паліцэйскіх, страціў прытомнасць і памёр ад сардэчнай недастатковасці.
Пасля гэтага ў цэнтры Мадрыда пачалася стыхійная дэманстрацыя, якая вылілася ў масавыя беспарадкі. Пратэстуючыя грамілі аўтобусныя прыпынкі, падпальвалі смеццевыя кантэйнеры і аўтамабілі. У адказ паліцыя прымяніла супраць парушальнікаў гумавыя кулі.
Сярод пацярпелых не менш за дзесяць паліцэйскіх і чацвёра гараджан. Шэсць чалавек затрыманы паліцыяй.-0-