3 сакавіка, Кіеў /БЕЛТА - УКРІНФАРМ/. Заняткі ў навучальных установах Кіева прыпынены да 7 сакавіка. Аб гэтым паведамляе прэс-служба Кіеўскай гарадской дзяржаўнай адміністрацыі.
Адзначаецца, што з 3 па 7 сакавіка ўключна будуць прыпынены заняткі ў школах, прафесійных ліцэях і Кіеўскім універсітэце імя Барыса Грынчэнкі.
Мінэнерга Украіны ўвяло да 5-6 сакавіка рэжым эканоміі газу. З гэтай мэтай міністр энергетыкі і вугальнай прамысловасці Ігар Насалік заклікаў часова адмяніць заняткі ў школьных, дашкольных і вышэйшых навучальных установах.-0-