11 мая, Мінск /Кар. БЕЛТА/. На захадзе Канады эвакуіруюць 3 тыс. чалавек з-за паводкі, паведамляе ТАСС.
Паведамляецца, што вада ўжо ўшчыльную падышла да населеных пунктаў, размешчаных на поўдні правінцыі Брытанская Калумбія. Перакрыты некаторыя аўтатрасы, 260 мясцовых школ не працуюць.
Звестак аб разбурэннях і ахвярах сярод насельніцтва не паступала.
Раней на поўдні правінцыі Нью-Брансуік былі эвакуіраваны 2 тыс. чалавек з-за разліву ракі Сент-Джон. На поўначы правінцыі Антарыа рака Олбані таксама выйшла з берагоў, у выніку чаго свае дамы былі вымушаны пакінуць амаль 1,5 тыс. жыхароў індзейскага селішча Кашэчэван. На дапамогу пацярпелым прыбылі супрацоўнікі Узброеных Сіл Канады.-0-