14 верасня, Мінск /Кар. БЕЛТА/. У горадзе Галівуд (штат Фларыда) у час урагану "Ірма" ў доме састарэлых загінулі 8 чалавек, паведамляюць інфармагенцтвы.
Пасля ўдару стыхіі ва ўстанове не было электраэнергіі і не працавалі кандыцыянеры.
Восем пацыентаў рэабілітацыйнага цэнтра ў Холівуд-Хілс загінулі, усяго з будынка былі эвакуіраваны 120 чалавек.
Праверку ўмоў догляду пацыентаў у больш як 40 дамах састарэлых даручыў правесці губернатар Фларыды.
Ахвярамі "Ірмы" ў ЗША ўжо сталі больш за 20 чалавек. Больш за 3,7 млн спажыўцоў яшчэ застаюцца без электрычнасці ў Фларыдзе.
Ураган, які абрушыўся на амерыканскі штат Фларыда 10 верасня, ужо назвалі самым моцным за апошнія дзесяць гадоў.-0-.