14 снежня, Мінск /Кар. БЕЛТА/. У штаце Фларыда (ЗША) фура ўрэзалася ў школьны аўтобус, у выніку 22 чалавекі пацярпелі, паведамляюць інфармагенцтвы.
Інцыдэнт адбыўся ў акрузе Хайлендс 13 снежня. Паводле папярэдняй інфармацыі, віноўнік ДТЗ - вадзіцель фуры, які не заўважыў аўтобус, што спыніўся для пасадкі дзяцей.
Два школьнікі атрымалі цяжкія траўмы і застаюцца ў бальніцы. Астатніх пацярпелых выпісалі пасля агляду.-0-
