28 лютага, Мінск /Кар. БЕЛТА/. У Чэхіі ад грыпу за тры тыдні памерлі 50 чалавек, паведамляюць інфармагенцтвы.
Гэту статыстыку прыводзіць Дзяржаўны медыцынскі інстытут па рэзультатах эпідэміі. Асноўная колькасць памерлых - пажылыя людзі старэйшыя за 60 гадоў. Яны цяжка пераносяць захворванне на грып, паколькі звычайна ён накладаецца на іншыя хваробы.
У цяжкім стане і з ускладненнямі пасля грыпу ў бальніцах знаходзіліся ў гэты час амаль 200 чалавек. Медыкі прагназуюць прадаўжэнне эпідэміі яшчэ на працягу некалькіх тыдняў, аднак пік пройдзены.
У мінулым годзе эпідэмія грыпу ў Чэхіі доўжылася каля двух месяцаў, ахвярамі хваробы тады сталі 114 чалавек.-0-