15 лістапада, Мінск /Кар. БЕЛТА/. У час стральбы ў пачатковай школе ў Каліфорніі загінулі тры чалавекі, паведамляюць інфармагенцтвы.
Паводле даных СМІ, інцыдэнт здарыўся на поўдзень ад горада Рэд-Блаф. Невядомы спачатку адкрыў стральбу ў доме, а потым перамясціўся ў мясцовую школу. Паводле папярэдняй інфармацыі, загінулі тры чалавекі. Ёсць пацярпелыя.
Злачынец ліквідаваны паліцыяй.
Месца здарэння ачэплена, там працуюць паліцэйскія. Пра матывы стралка пакуль нічога не вядома.-0-