4 снежня, Ерэван /БЕЛТА - Арменпрэс/. У Арменіі пацярпеў крушэнне ваенны самалёт Су-25, два лётчыкі, якія знаходзіліся на борце, загінулі.
Самалёт Су-25 вылецеў у 10.06 (па мясцовым часе) з аэрапорта Гюмры. У хуткім часе пасля гэтага сувязь з самалётам знікла.
Паводле даных прэс-сакратара Міністэрства абароны Арменіі Арцруна Аванісяна, абломкі самалёта былі знойдзены ў раёне Мараліка, у гарах. Прычыны катастрофы невядомы.
Паведамляецца, што самалёт праводзіў штодзённы вучэбна-трэніровачны палёт па праграме ваеннай падрыхтоўкі.-0-
Фота Арменпрэс