22 ліпеня, Кіеў /БЕЛТА - УКРІНФАРМ/. ЦВК Украіны прызнала датэрміновыя парламенцкія выбары праведзенымі, заявіла старшыня ЦВК Таццяна Сліпачук на брыфінгу.
"Такіх падзей, якія паставілі б пад сумненне гэту парламенцкую кампанію, не было, яна лічыцца праведзенай", - сказала Таццяна Сліпачук.
Паводле даных апрацоўкі 41,7 працэнта электронных пратаколаў на датэрміновых парламенцкіх выбарах ва Украіне, за партыю "Слуга народа" прагаласавалі 42,34 працэнта выбаршчыкаў, "Апазіцыйная платформа - За жыццё" набірае 12,78 працэнта, "Еўрапейская салідарнасць" - 8,68 працэнта, "Бацькаўшчына" - 8,10 працэнта, "Голас" - 6,38 працэнта.
Астатнія партыі не пераадольваюць прахаднога пяціпрацэнтнага бар'ера.
Датэрміновыя парламенцкія выбары праходзілі ва Украіне 21 ліпеня.-0-
