29 чэрвеня, Астана /БЕЛТА - КАЗІНФАРМ/. Цэнтральная выбарчая камісія (ЦВК) Казахстана падвяла вынікі выбараў дэпутатаў Сената парламента Казахстана, праведзеных 28 чэрвеня.
Выбарана 16 дэпутатаў, г.зн. па адным ад кожнай вобласці, гарадоў Астана і Алматы.
"На падставе пратаколаў абласных, гарадоў Астана і Алматы выбарчых камісій аб выніках падліку галасоў па выбарах дэпутатаў Сената парламента Цэнтральная выбарчая камісія Казахстана паведамляе, што выбары прызнаны праведзенымі ў 14 абласцях Рэспублікі Казахстан, у гарадах Астана і Алматы", - сказаў на брыфінгу адказны сакратар ЦВК Бахыт Мельдзешаў.
Усяго ў ходзе электаральнай кампаніі было вылучана 89 прэтэндэнтаў. У выбарчыя бюлетэні ўключана 38 кандыдатаў. У выбарах прынялі ўдзел 3 тыс. 242 выбаршчыкі.
Сем выбраных дэпутатаў вылучаны масліхатамі, дзевяць шляхам самавылучэння. Сярэдн ўзрост кандыдатаў у дэпутаты ў Сенат парламента Казахстана складае 56,7 года.
У назіранні за выбарамі ў дэпутаты Сената парламента Казахстана ўдзельнічалі 518 міжнародных і айчынных наглядальнікаў, 244 прадстаўнікі казахстанскіх і замежных СМІ.
Усяго ў Сенате 47 дэпутатаў, з іх 15 назначаюцца прэзідэнтам і 32 прадстаўляюць рэгіёны, па два ад кожнага рэгіёна, яны выбіраюцца кожныя тры гады.-0-
