22 мая, Мінск /Кар. БЕЛТА/. Прэм'ер-міністр Вялікабрытаніі Тэрэза Мэй аб'явіла, што згодна на галасаванне ў Палаце абшчын аб правядзенні другога рэферэндуму па Brexit, інфармуе ВВС.
Брытанскі прэм'ер паведаміла, што яе кабінет гатовы пайсці на пэўныя кампрамісы, каб пераканаць дэпутатаў усё ж такі прагаласаваць за праект пагаднення аб выхадзе. І адзін з гэтых кампрамісаў - галасаванне па пытанні аб тым, праводзіць ці не праводзіць новы рэферэндум.
Тэрэза Мэй мае намер чацвёрты раз паспрабаваць правесці праз парламент праект пагаднення аб выхадзе з ЕС у першы тыдзень чэрвеня. Пасля гэтага яна абяцае, незалежна ад зыходу галасавання, паведаміць аднапартыйцам, калі пойдзе ў адстаўку. Мяркуецца, што Тэрэза Мэй пакіне пасаду кіраўніка Кансерватыўнай партыі і прэм'ер-міністра летам.-0-