10 чэрвеня, Нур-Султан /БЕЛТА - КАЗІНФАРМ/. Цэнтральная выбарчая камісія падвяла папярэднія вынікі галасавання на выбарах Прэзідэнта Казахстана.
Касым-Жамарт Такаеў атрымлівае 70,76 працэнта галасоў, паведаміў на брыфінгу намеснік старшыні ЦВК Казахстана Канстанцін Пятроў.
Папярэднія прэзідэнцкія выбары ў краіне праходзілі ў красавіку 2015 года, тады перамогу атрымаў Нурсултан Назарбаеў, які быў выбраны на пяцігадовы тэрмін. 19 сакавіка гэтага года Нурсултан Назарбаеў падпісаў указ аб складанні паўнамоцтваў прэзідэнта з 20 сакавіка 2019 года па ўласным жаданні. З 20 сакавіка дзеючым Прэзідэнтам Казахстана, згодна з Канстытуцыяй, стаў старшыня Сената Касым-Жамарт Такаеў. У красавіку ў сваім тэлезвароце да народа Казахстана Касым-Жамарт Такаеў аб'явіў аб правядзенні 9 чэрвеня 2019 года пазачарговых выбараў.-0-
