8 студзеня, Мінск /Кар. БЕЛТА/. Прэзідэнт ЗША Дональд Трамп можа правесці другую сустрэчу з лідарам КНДР Кім Чэн Ынам у сталіцы В'етнама Ханоі, паведамляе агенцтва Bloomberg.
Паводле інфармацыі паўднёвакарэйскага выдання Munhwa Ilbo, прадстаўнікі ЗША і КНДР раней арганізавалі сустрэчу ў Ханоі, каб абмеркаваць тэрміны гэтага мерапрыемства.
Напярэдадні Дональд Трамп паведаміў, што бакі праводзяць кансультацыі, каб выбраць месца для наступнага саміту ЗША-КНДР. Паводле яго слоў, Вашынгтон і Пхеньян падтрымліваюць "вельмі добры дыялог". Пры гэтым Трамп дадаў, што санкцыі супраць КНДР захоўваюцца.
Першы ў гісторыі саміт ЗША і КНДР адбыўся ў Сінгапуры ў чэрвені 2018 года. Наступная сустрэча можа прайсці ў студзені - лютым бягучага года.-0-
