21 лістапада, Мінск /Кар. БЕЛТА/. Суд ЕС назначыў Польшчы штраф у памеры 100 тыс. еўра ў дзень на карысць Еўракамісіі (ЕК) за высечку Белавежскай пушчы, паведамляюць інфармагенцтвы са спасылкай на пастанову суда.
У дакуменце гаворыцца, што "Польшча павінна неадкладна спыніць свае цяперашнія дзеянні па абыходжанні з ляснымі ўгоддзямі ў Белавежскай пушчы, акрамя выключных выпадкаў, калі гэта строга неабходна для забеспячэння грамадскай бяспекі". Адзначаецца, што калі Варшава парушыць гэты загад, то ёй давядзецца выплачваць ЕК штрафы ў памеры мінімум 100 тыс. еўра ў дзень.
Згодна з планамі ўрада Польшчы, высечцы падлягала каля 1,3 млн дрэў, заражаных жуком-караедам. Эколагі патрабавалі даць рэліктавым лясам магчымасць самім справіцца са шкоднікам і натуральна правесці абнаўленне ляснога масіву. Суд ЕС прыняў бок абаронцаў лесу і Еўракамісіі, якая падала іск у суд, абавязаўшы Польшчу спыніць высечку дрэў. Афіцыйная Варшава ў сваю чаргу адказала на прэтэнзіі суда ЕС, адзначыўшы, што высякаюцца толькі "пагражаючыя грамадскай бяспецы", а таксама "мёртвыя і аслабленыя" дрэвы.
Белавежская пушча з'яўляецца буйнейшым астаткам першабытнага лесу ў Еўропе. На польскай тэрыторыі знаходзіцца Белавежскі нацыянальны парк, які ўключаны ў спіс сусветнай спадчыны ЮНЕСКА.-0-
