3 сакавіка, Мінск /Кар. БЕЛТА/. На ўсходняе ўзбярэжжа ЗША абрушыўся шторм "Райлі", загінулі як мінімум пяць чалавек, паведамляюць інфармагенцтвы.
Паводле даных сіноптыкаў, шторм, які суправаджаецца ліўнямі і парывістым ветрам, рухаецца ў паўночна-ўсходнім напрамку.
У сувязі з непагодай у штатах Віргінія і Мэрыленд аб'яўлены рэжым надзвычайнага становішча. Усяго непагода закранула каля 15 штатаў. У некаторых раёнах зафіксаваны паводкі. З-за абрываў ліній электраперадачы больш як 1,5 млн чалавек засталіся без электрычнасці.
Шторм "Райлі" ўнёс карэктывы і ў транспартныя зносіны на ўсходзе ЗША. Так, у Міжнародным аэрапорце імя Джона Кенэдзі ў Нью-Ёрку адменена больш за 430 рэйсаў. З перабоямі працуюць аэрапорты Філадэльфіі і Бостана. У рэгіёне часткова прыпынены чыгуначныя перавозкі.-0-
