19 верасня, Мінск /Кар. БЕЛТА/. У Ірландыі ў выніку шторму "Алі" без электрычнасці засталіся больш за 140 тыс. дамоў, загінула жанчына, паведамляе Reuters.
Шторм "Алі", які прыйшоў з Атлантычнага акіяна, суправаджаецца парывамі ветру да 140 км/гадз. З-за непагоды ў аэрапорце Дубліна адменена больш за 50 авіярэйсаў.
Паводле даных сіноптыкаў, непагода на захадзе Ірландыі захаваецца раніцай 20 верасня. Насельніцтва просяць выконваць неабходныя меры бяспекі.-0-
