15 снежня, Масква /БЕЛТА - ТАСС/. Савет Федэрацыі Расіі сёння на пасяджэнні аднагалосна адобрыў пастанову палаты аб назначэнні выбараў Прэзідэнта Расійскай Федэрацыі на 18 сакавіка 2018 года.
На працягу пяці дзён (максімум да 20 снежня) пастанова Савета Федэрацыі павінна быць апублікавана. Толькі пасля публікацыі гэтага дакумента лічыцца, што выбарчая кампанія афіцыйна стартавала, партыі могуць праводзіць перадвыбарныя з'езды, а самавылучэнцы - арганізоўваць сходы груп падтрымкі.
Як паведаміў кіраўнік камітэта верхняй палаты па канстытуцыйным заканадаўстве і дзяржбудаўніцтве Расіі Андрэй Клішас, пастанова Савета Федэрацыі аб назначэнні выбараў прэзідэнта РФ на 18 сакавіка 2018 года будзе апублікавана 18 снежня. "Мы падрыхтуем усе адпаведныя дакументы для публікацыі. Усе матэрыялы будуць гатовы і будуць апублікаваны афіцыйна 18 снежня", - сказаў Андрэй Клішас.
У прэс-службе ЦВК раней растлумачылі, што пастанова аб назначэнні выбараў можа быць апублікавана як у друкаванай прэсе ("Российской газете" і "Парламентской газете"), так і на партале прававой інфармацыі. Калі дакумент будзе абнародаваны раней на партале, то будзе лічыцца, што кампанія афіцыйна стартавала з гэтага моманту.-0-
