26 лютага, Мінск /Кар. БЕЛТА/. Згодна з апошнімі данымі паліцыі, пры ўзрыве ў англійскім горадзе Лестэр загінулі чатыры чалавекі. Аб гэтым паведамляе ТАСС.
Моцны ўзрыў прагрымеў 25 лютага ў невялікім прадуктовым магазіне Лестэра. Паводле даных СМІ, быў поўнасцю разбураны двухпавярховы будынак, дзе размяшчаўся магазін. Першапачаткова паведамлялася, што пацярпелі шэсць чалавек.
Праваахоўнікі Лестэра праводзяць расследаванне сумесна з пажарнай службай. У паліцыі адзначаюць, што пакуль не выяўлена прыкмет, што здарэнне можа быць кваліфікавана як тэракт.-0-