16 ліпеня, Мінск /Кар. БЕЛТА/. Поўнафарматная сустрэча прэзідэнтаў ЗША Дональда Трампа і Расіі Уладзіміра Пуціна пройдзе сёння ў Хельсінкі, паведамляе БЕЛТА.
Раней кіраўнікі дзяржаў дзвюх краін сустракаліся ў 2017 годзе ў ходзе пасяджэння G20 у Гамбургу, а пасля - у В'етнаме на саміце АЦЭС. Дональд Трам прыбыў у сталіцу Фінляндыі напярэдадні з Шатландыі, дзе ён праводзіў уік-энд у родных мясцінах сваёй маці.
Плануецца, што сустрэча пачнецца ў 13.20, а пасля перагавораў у 16.50 запланавана прэс-канферэнцыя.
Чакаецца, што асноўнай тэмай перагавораў стане бягучы стан і перспектывы адносін дзвюх дзяржаў. Лідары ЗША і Расіі плануюць абмеркаваць выхад з крызісу ва Украіне.-0-
