18 ліпеня, Мінск /Кар. БЕЛТА/. У выніку паводкі ў краінах Паўднёвай Азіі, выкліканай мусоннымі дажджамі, загінулі больш за 220 чалавек, паведамляе CNN. Раней паведамлялася пра 130 загінулых.
Паводка і апоўзні закранулі шэраг рэгіёнаў Індыі, Непала, Пакістана і Бангладэш.
Значны ўрон нанесены індыйскім штатам Біхар і Асам, дзе за тыдзень загінулі 77 чалавек. У агульнай колькасці паводка нанесла ўрон больш як 10,3 млн чалавек. Мясцовыя ўлады арганізавалі для людзей, якія страцілі жыллё, больш за 900 часовых прытулкаў.
У Непале ахвярамі паводкі з 11 ліпеня сталі 88 чалавек, тысячы людзей пазбавіліся прытулку. Улады Пакістана паведамілі пра гібель 46 чалавек.
Раней паведамлялася, што ў Бангладэш загінулі як мінімум 12 чалавек, у асноўным фермеры. З-за разліву рэк нізінныя тэрыторыі былі затоплены, нанесены значны ўрон сельскагаспадарчай галіне.-0-
