17 ліпеня, Мінск /Кар. БЕЛТА/. На поўначы Нігерыі ў выніку паводкі загінулі 44 чалавекі, 20 лічацца прапаўшымі без вестак, паведамляюць інфармагенцтвы.
Асноўны ўдар стыхіі прыпаў на нігерыйскі штат Кацына. З-за ліўневых дажджоў з берагоў выйшла рака Джыбія, узровень вады ўзняўся на тры метры.
Паводле апошніх даных, паводкай знішчаны каля 500 дамоў, сотні людзей засталіся без даха над галавой. У раён бедства накіраваны грузавікі з гуманітарнай дапамогай.-0-