1 сакавіка, Астана /БЕЛТА - КАЗІНФАРМ/. Сенат (верхняя палата) парламента Казахстана ратыфікаваў Пратакол аб прымяненні асобных палажэнняў Дагавора аб далучэнні Кыргызскай Рэспублікі да Дагавора аб Еўразійскім эканамічным саюзе.
Паводле слоў міністра нацыянальнай эканомікі Казахстана Цімура Сулейменава, асноўнай мэтай законапраекта "Аб ратыфікацыі Пратакола аб прымяненні асобных палажэнняў Дагавора аб далучэнні Кыргызскай Рэспублікі да Дагавора аб Еўразійскім эканамічным саюзе ад 29 мая 2014", падпісанага 23 снежня 2014 года, з'яўляецца забеспячэнне аднолькавага падыходу да размеркавання пошлін дзяржавамі ЕАЭС і перагляд нарматываў размеркавання сум увазных мытных пошлін для краін-удзельніц.
Як паведаміў раней Цімур Сулейменаў, падпісаны кіраўнікамі дзяржаў - членаў ЕАЭС пратакол устанаўлівае наступныя нарматывы размеркавання ўвазных мытных пошлін: Арменія - 1,22 працэнта, Беларусь - 4,56 працэнта, Казахстан - 7,055 працэнта, Кыргызстан - 1,9 працэнта, Расія - 85,265 працэнта.-0-
