21 верасня, Кіеў /БЕЛТА - УКРІНФАРМ/. Прэзідэнт Украіны Пётр Парашэнка пацвердзіў запрашэнне генеральнаму сакратару ААН накіраваць тэхнічную ацэначную місію ва Украіну па пытанні міратворцаў на Данбасе. Аб гэтым кіраўнік украінскай дзяржавы заявіў у час адкрытых дэбатаў высокага ўзроўню Савета Бяспекі ААН "Рэформы ў сферы міратворчасці ААН: імплементацыя і далейшыя крокі".
"Дазвольце мне таксама пацвердзіць запрашэнне генеральнаму сакратару задзейнічаць свае статутныя паўнамоцтвы і накіраваць тэхнічную ацэначную місію ва Украіну. На аснове ацэнак гэтай місіі павінны быць распрацаваны і прадстаўлены Савету Бяспекі ААН для далейшага разгляду магчымыя варыянты палітыкі прысутнасці ААН на Данбасе", - сказаў Пётр Парашэнка.
Прэзідэнт выказаў надзею, што такая місія "прааналізуе і ацэніць усю сітуацыю на месцы".-0-
