22 верасня, Мінск /Кар. БЕЛТА/. Памерла самая багатая жанчына свету, саўладальніца LʼOréal Ліліян Бетанкур, паведамляюць інфармацыйныя агенцтвы са спасылкай на сваякоў Ліліян.
Бетанкур было 94 гады, яе капітал ацэньваўся $39,5 млрд. Яна займала 14-ы радок у рэйтынгу сусветных мільярдэраў. Пасля смерці Ліліян самай багатай жанчынай свету стала наследніца заснавальніка сеткі магазінаў Wal-Mart Эліс Уолтан.
Ліліян Бетанкур - французская прадпрымальніца і мецэнат, у мінулым была вядома як свецкая львіца. Яна нарадзілася ў Парыжы. З'яўляючыся адзіным дзіцем Эжэна Шулера, заснавальніка адной з буйнейшых касметычных кампаній L'Oréal, яна атрымала ў спадчыну акцыі вытворцы парфумерыі.-0-