23 красавіка, Мінск /Кар. БЕЛТА/. У М'янме адбылося абрушэнне ў шахце па здабычы нефрыту, больш за 50 чалавек знаходзяцца пад заваламі, паведамляе Reuters.
Паводле даных улад, пад заваламі - 54 работнікі дзвюх горназдабыўных кампаній, а таксама каля 40 экскаватараў і грузавікоў. Целы трох чалавек дасталі з-пад абломкаў. Надзеі, што хтосьці з шахцёраў уцалеў, практычна няма.
На месцы надзвычайнага здарэння ідзе пошукава-выратавальная аперацыя.-0