15 лістапада, Мінск /Кар. БЕЛТА/. Прэзідэнт Польшчы Анджэй Дуда назначыў на пасаду прэм'ер-міністра краіны Матэвуша Маравецкага, паведамляе польскае агенцтва PAP.
Новы кіраўнік урада таксама часова ўзначаліць Міністэрства спорту.
Як паведамляе ТАСС, прэм'ер унёс невялікія змяненні ў ранейшы склад кабінета міністраў, які працаваў пад яго кіраўніцтвам да праведзеных у краіне 13 кастрычніка парламенцкіх выбараў. Так, новы кабінет будзе складацца з 20 ведамстваў. Ключавыя пасады захаваюць міністры, якія займалі іх у ранейшым урадзе. Абаронным ведамствам прадоўжыць кіраваць Марыуш Блашчак, на чале МЗС застанецца Яцак Чапутовіч, на чале Міністэрства развіцця - Ядвіга Эмілевіч.
Назначаныя кіраўніком дзяржавы члены кабінета міністраў 19 лістапада паўстануць перад дэпутатамі Сейма (ніжэйшай палаты парламента), якія павінны зацвердзіць гэта рашэнне шляхам галасавання аб даверы.-0-
