7 лютага, Мінск /Кар. БЕЛТА/. НАТА прадоўжыць прыкладаць намаганні для захавання Дагавора аб ліквідацыі ракет сярэдняй і меншай далёкасці (ДРСМД). Сітуацыя вакол пагаднення з'яўляецца падставай для далучэння да яго новых краін. З такой заявай выступіў генеральны сакратар Паўночнаатлантычнага альянсу Енс Столтэнберг у інтэрв'ю медыягрупе Funke, паведамляе ТАСС.
"НАТА прадоўжыць працаваць над тым, каб захаваць дагавор і ўзмацніць кантроль над узбраеннямі. Мы вывучым ініцыятывы па гэтым пытанні", - адзначыў Енс Столтэнберг. Ён дадаў, што НАТА вітае планы ФРГ па правядзенні ў сакавіку міжнароднай канферэнцыі па пытаннях раззбраення.-0-